May 20, 2024

६ वर्षिया बालिकाको उपचारका लागि सहयोगको अपिल

September 26, 2019

सुनिता लामा
खैरहनी । खैरहनी नगरपालिका वडा नं. ३ की ६ वर्षिया बालिका हाईड्रोसेफल्स (मस्तिष्कमा पानी जमेको) रोगले ग्रसित हुँदा जीवन र मृत्युको दोसाँधमा छिन् । विगत ५ वर्षदेखि अस्थायी बसोबास गर्दै आएका उनको परिवारको आर्थिक अवस्था निकै कमजोर छ । उपचारका लागि उनकी बुबा आमाले सबैसँग अपिल गरेका छन् ।
उनीलाई जन्मिएको ३ वर्षमै यो रोग लागेको उनका बुबाआमा बताउँछन् । उनी अहिले बोल्न, हिँड्न नसक्ने गरी अशक्त भएकी छन् । विगत ३ वर्षदेखि छोरीको उपचारका लागि सहयोग स्वरुप रु. ४ लाख जम्मा भएको उनकी बाबु रामु अधिकारी बताउँछन् । उनकाअनुसार हालसम्म उपचारका लागि ५ लाख खर्च भैसकेको र छोरीको उपचारका लागि रु २०,२५ लाख लाग्ने अस्पतालले बताएको छ ।
साहुको १३ कठ्ठा जग्गा वर्षको ३० हजारका दरले भाडामा लिएर खेती गर्दै आएका उनको ५ जनाको परिवार सोही जग्गामा सानो टहरामा बसोबास गर्दै आएका छन् । खेतबारीको उपजले बिहान बेलुकीको गाँसबास मात्रै ठिक्क हुने, उपचारको लागि २५ लाख जोहो गर्न सकस परेको अधिकारी बताउँछन् । टिचिङ अस्पताल, वीर अस्पताललगायत नेपालका विभिन्न अस्पताल धाएको अधिकारीको भनाइ छ । बालिकाको उपचारको लागि चिकित्सकका अनुसार शल्यक्रियाको विकल्प नभएको अधिकारीले बताए । हालसम्म रत्ननगर नगरपालिका र खैरहनी नगरपालिकाले रु ५,५ हजार सहयोग गरेको तर कुनै संघ संस्थाले सहयोग नगरेको गुनासो गरेका छन् ।
बालिकाकी आमा सीता अधिकारीको नाममा एस बी आई बैंक, कुलेश्वर शाखाको खाता नम्बर २१५१५२४१४०२३६१ मा सहयोग स्वरुप रकम जम्मा गरी वा ९८४२६३१०४० र ९८०६८०३६३१ मा सम्पर्क गरेर छोरी बचाई दिन अधिकारी दम्पतिले सबैसँग अपिल गरेका छन् ।

- ADVERTISEMENT -
- ADVERTISEMENT -
- ADVERTISEMENT -