२ करोड लगानीमा आहार स्पाईसी किचेनको शुभारम्भ

भरतपुर । भरतपुर–११ वाइपास रोडमा नयाँ व्यवस्थापनका साथ आहार स्पाईसी किचेन एण्ड रेष्ट हाउस प्रा.लि. संचालनमा आएको छ । ग्राहकहरुको चाहनालाई मध्यनजर गर्दै नितान्त पारिवारिक वातावरणमा सो रेष्ट हाउस संचालन सुरु गरेको व्यवस्थापक विकास सापकोटाले बुधबार पत्रकार भेटघाटमा बताए ।
रेष्ट हाउसमा ११ वटा एयर कण्डिसन रुम, फाष्टफुड, एटेच बाथरुम भएको र देश विदेशमा रहनु हुनेले पनि यथा स्थानबाट रुम बुकिङ्ग गर्न सकिने उनले बताए । नजिकिँदै गरेको राष्ट्रिय अभियान भिजिट नेपाल २०÷२० राष्ट्रिय गौरवको परियोजना गौतम बुद्ध अन्तर्राष्ट्रिय रंगशालामा ५ हजार क्षमताको निर्माणाधिन सभा हल र देशको मध्य भाग चितवनमा आगन्तुक पाहुनाहरुलाई केही हदसम्म भए पनि आतिथ्यता गराउने मुख्य उद्देश्य रहेको व्यवस्थापक सापकोटाले जानकारी गराए ।
व्यवस्थापक सरोज आचार्यले ग्राहकहरूको मागलाई ध्यानमा राख्दै होटलमा स्वादिष्ट परिकारहरुको मज्जा लिन सक्ने वातावरण बनाएको बताए । होटल व्यवसायी संघ चितवनका प्रथम उपाध्यक्ष एवम् कार्यबाहक अध्यक्ष केशव हडखोलाले आहार स्पाइसीलाई सफलताको शुभकामना दिए ।
व्यवस्थापक सापकोटा अनुसार रेष्ट होउसमा होटलमा हाल २० जना कर्मचारी रहेको र झण्डै २ करोड लगानीमा संचालन ल्याइएको हो । शुभारम्भको अवधिमा प्रत्येक ५ सय भन्दा माथिको बिलहरुमा १० प्रतिशत छुटको व्यवस्था पनि गरेको उनले भने ।