सार्वजनिक भयो चलचित्र ‘कोपिला’को ट्रेलर

भरतपुर । निर्मला हत्याकाण्डमा आधारित रहेर निर्माण गरिएको नेपाली कनाथक चलचित्र ‘कोपिला’को ट्रेलर सार्वजनिक भएको छ ।
चलचित्रमा कन्चनपुरकी १३ वर्षीया बालिका निर्मला पन्तको बलात्कारपछि भएको हत्याको विषयलाई लिएर निर्माण गरिएको युट्युवमार्पmत् ट्रेलर सार्वजनिक गरिएको हो ।
चलचित्रमा सामाजिक कथा वस्तु बोकेको ट्रेलरमा निर्मलालाई मुख्य कोपिला पात्र बनाइएको छ । कोपिलाको बलाकारपछि भएको हत्यारालाई सरकारले लामो समयसम्म पनि पक्राउ गर्न नसकेको कारण उत्पन्न परिस्थिति ट्रेलरमा दर्शाइएको छ ।
शिवम् अधिकारीको लेखन तथा निर्देशनमा बनेको यस चलचित्रमा सरिता गिरी, गणेश गिरी र सन्जिवनी खरेलले मुख्य भूमिका निर्वाह गरेका छन् । चलचित्रमा सरिता, गणेश, सन्जीवनी, प्रकृति खरेल, ऋद्दिचरण श्रेष्ठ, विमला पौडेल, पुष्प आचार्य, सुशान्त श्रेष्ठ, अस्मिन घिमिरे, अस्मिता जुरेली, प्रतिक्षा खड्का, सूर्यप्रसाद अधिकारी, राखी क्षेत्रीलगायतको अभिनय रहेको निर्माण टिमले बताए ।
गणेश गिरीको प्रस्तुति रहेको कोपिलालाई संचारकर्मी मणिराज गौतमले निर्माण गरेका हुन् भने चलचित्रकोे कार्यकारी निर्मातामा सुबास काफ्ले रहेका छन् । चलचित्रमा समिर मिया, रामेश्वर कार्की सहनिर्मात्रा रहेका छन् । चलचित्रमा रामेश्वर कार्कीको छाँयाकन, समिर मियाको सम्पादन र दिपक शर्माको संगीत रहेको छ ।
उक्त चलचित्र चाँडै नै दर्शकसामु आउने निर्माता सुबास काफ्लेले जानकारी दिए ।