‘टोल विकास संस्थालाई सहयोग गर्ने प्रतिबद्धता’

क्षेत्रपुर । शान्ति टोल विकास संस्था क्षेत्रपुरले प्रथम साधारण सभा सम्पन्न गरेको छ ।
कार्यक्रमका प्रमुख अतिथि वडा नं. २ का अध्यक्ष पूर्णबहादुर श्रेष्ठले टोल विकास संस्थालाई सहयोग गर्ने प्रतिबद्धता व्यक्त गरे । टोल विकासको लागि आफूले खेल्ने भूमिकामा कुनै कसर बाँकी नराख्ने बताए ।
संस्थाका अध्यक्ष नेत्रप्रसाद न्यौपानेको अध्यक्षतामा भएको सभामा फलफूल तथा तरकारी थोक व्यवसायी संघका अध्यक्ष मदनप्रसाद सापकोटा, उज्यालो आमा समूहका अध्यक्ष रमाकुमारी सापकोटा, संस्थाका सल्लाहकारहरु ऋषिराज पाण्डे र यज्ञप्रसाद घिमिरेलगायतले मन्तव्य दिएका थिए । संस्थाका उपाध्यक्ष रामकुमारी पौडेलले स्वागत मन्तव्य राखेकी थिइन् ।
कार्यक्रममा २०७५\०७६ को प्रगति प्रतिवेदन संस्थाका सचिव लक्ष्मण पौडेल प्रस्तुत गरे भने कोषाध्यक्ष लेखा भट्टराईले २०७५\०७६ को आर्थिक प्रतिवेदन प्रस्तुत गरेकी थिइन् । संस्थाका कोषाध्यक्ष गोपालबाबु श्रेष्ठले लेखा प्रतिवेदन प्रस्तुत गरे ।
तत्कालीन नमस्ते टोल र शान्ति टोल एकीकृत भएर शान्ति टोल विकास संस्था स्थापना भएको हो । सभामा गणेशधाम निर्माणमा टोल विकास संस्थाले ५१ हजार हस्तान्तरण गरिएको अध्यक्ष न्यौपानेले बताए ।