१० जना निको, ४८ पुग्यो संक्रमित, विश्वभर २७ लाख बढी

काठमाडौं । दिनानुदिन कोरोना भाइरसका संक्रमित बढ्ने क्रम विश्वभर रहँदै आएको छ । हथुवागढीका १ जना पुरुषमा २६ वर्षीय पुरुषमा कोरोना संक्रमण भेटिएको प्रदेश १ सरकार स्रोतले बताएको र योसँगै ४८ जना पुगेको छ । निको हुने पनि १ जना बढेको र योसँगै १० जना भएको स्वास्थ्य मन्त्रालयले जनाएको छ ।
उनको थ्रोव स्वावको परीक्षण वीपी कोइराला स्वास्थ्य विज्ञान प्रतिष्ठान धरानमा गरिएको थियो । उनी विदेशबाट आएको भनिएको भए पनि थप विवरण आइनसकेको बताइएको छ । उनीहरुमध्ये १० जना उपचार गरेर घर फर्किसकेको बताइएको छ ।
बिहीबार मात्र स्वास्थ्य मन्त्रालयले उदयपुरकी ५५ वर्षीया महिला र जनकपुरका १४ वर्षीय किशोरमा संक्रमण देखिएको जानकारी दिएको हो ।
यस्तैगरी विश्वरभर कोरोना संक्रमित २७ लाख १८ हजार १ सय ५५ भएको विश्व स्वास्थ्य संगठन (डब्लुएचओ)ले जनाएको छ । कोरोनाका कारण मृत्यु हुनेमा १ लाख ९० हजार ६ र ३६ जना रहेको छ । कोरोनाबाट निको भई घर फर्कनेमा ७ लाख ४५ हजार ६ सय २० जना रहेको डब्लुएचओले जनाएको छ ।