बालिका बलात्कार गरेको आरोपमा एक वृद्ध पक्राउ

राप्ती\चितवन । बलात्कार गरेको आरोपमा एक बृद्ध पक्राउ परेका छन । राप्ती नगरपालिका–१ मा स्थानीय १५ वर्षीया बालिकालाई जबरजस्ती बलात्कार गरेको आरोपमा ६० वर्षीय रामबहादुर तामाङलाई पक्राउ गरिएको प्रहरीले जनाएको छ ।
गत बैशाख ९ गते बिहान राप्ती खोलाको ड्याममा तरकारी टिप्न जाने क्रममा तामाङले बालिकालाई बलात्कार गरेको स्थानीयले बताएका छन् । घटनाबारे थप अनुसन्धान भइरहेको इलाका प्रहरी कार्यालय खैरहनीका प्रहरी निरीक्षक ऋषिराम घर्ती मगरले जानकारी दिए ।
घटना भएको पाँच दिनपछि मात्रै प्रहरीमा निवेदन परेको र सोही दिन तामाङलाई पक्राउ गरिएको प्रहरी निरीक्षक मगरले बताए । पक्राउ गरिएको तामाङलाई अदालतबाट म्याद थप गरी थप अनुसन्धान भइरहेको छ । घटना भएको १० दिनपछि मात्र घटना बाहिर आएको हो ।