लकडाउन उल्लंघनको कारवाहीमा २० जनासहित ३४ सवारीसाधन

भरतपुर । लकडाउनको उल्लघंन गर्ने मानिस तथा सवारी साधनलाई बुधबार पनि कारवाही गरिएको छ । कोरोना भाइरस (कोभिड-१९) को नियन्त्रणका लागि सरकारले लागू गरेको लकडाउन उल्लंघन गर्ने २० जनासहित ३४ सवारी साधनलाई कारबाही गरिएको जिल्ला प्रहरी कार्यालय चितवनले जनाएको छ ।
लकडाउनको १६औँ दिन २१ वटा मोटरसाइकल, १३ वटा स्कुटीलाई होल्ड कारबाही गरेर साँझ ८ बजेपछि क्रमैसँग छाडिएको जिल्ला प्रहरी कार्यालय चितवनका डिएसपी एकनारायण कोइरालाले बताए ।
डिएसपी कोइरालाका अनुसार निज मानिसहरुका सम्बन्ध आवश्यक छानबिन पश्चात सम्झाइबुझाइ अति आवश्यक काम बाहेक लकडाउन अवधिभरि बाहिर नहिँड्ने शर्तमा छाडिएको हो ।