राजभण्डारीद्वारा अस्पताललाई माक्स सहयोग

भरतपुर । भरतपुर अस्पताललाई आइतबार एक सय थान एन–९५ माक्स प्रदान गरिएको छ । भरतपुर अस्पताल विकास समितिका पूर्व अध्यक्ष राजकुमार राजभण्डारीले उक्त माक्स सहयोग गरेका हुन् ।
उनले भरतपुर अस्पताल विकास समितिका अध्यक्ष डा. भोजराज अधिकारीको रोहवरमा अस्पतालका मेडिकल सुपरिटेण्डेन्ट डा. श्रीराम तिवारीलाई माक्स हस्तान्तरण गरेको हो ।
उक्त माक्स अस्पतालका चिकित्सक, स्वास्थ्यकर्मी र कर्मचारीलाई उपचारमा सुरक्षित हुन सहयोग पुगोस् भन्ने उद्देश्यले सहयोग गरेको उनले बताए ।
माक्स ग्रहण गर्दै अस्पतालका मेडिकल सुपरिटेण्डेन्ट डा तिवारीले सबैको सहयोग र शुभेच्छाले स्वास्थ्यकर्मीहरुमा मनोबल बढ्दै गएको बताए । यस किसिमको सहयोगले कोरोना संक्रमित बिरामीहरुको उपचारका लागि ठूलो सहयोग पुग्ने उनको भनाइ छ ।