एकैदिन १७० थप, पुग्यो १२ सय १२, निको २०६ जना

काठमाण्डौं । विश्वव्यापी रुपमा फैलिरहेको कारोना भाइरस कोभिड १९ नेपालमा आज शुक्रबार एकैदिन एक सय ७० जना नयाँ सङ्क्रमित थपिएका छन् । एक सय ७० जना थपिएसँगै संक्रमितको सङ्ख्या १२ सय १२ पुगेको हो ।
विभिन्न प्रयोगशालामा गरिएको परीक्षणमा एक सय ६५ जना पुरुष र पाँच जना महिलामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ । आज शुक्रबार संक्रमण पुष्टि भएकामध्ये सबैभन्दा धेरै रौतहटका रहेका छन् । रौतहटका ५६ जनामा कोरोना पुष्टि भएको हो ।
त्यस्तै कपिलवस्तुका ५१, झापाका २८, बाँकेका १०, पर्साका पाँच, सर्हालीका पाँच, सप्तरीका चार, बाराका चार, दाङका दुई, रुपन्देहीका एक र म्याग्दीका एक जनामा कोरोना संक्रमण पुष्टि भएको हो ।
कोरोनाबाट निको भएका थप १९ जना डिस्चार्ज भएसँगै निको हुनेको संख्या दुई सय ६ जना भएका छन् भने ज्यान गुमाउनेको संख्या ६ पुगेको छ ।