सुनसरीमा सरकारको विरोधमा प्रदर्शन

धरान । नेपाल सरकारले स्वास्थ्य सामग्री खरिद गर्दा भ्रष्टाचारको चरम सिमा नाघेको भन्दै सुनसरीको धरानमा प्रदर्शन गरेको छ । शुक्रबार साँझ ६ बजे धरानको भानुचौकमा सयौँको संख्यामा उपस्थित युवाहरुले कोभिड–१९ को उपचार तथा रोकथाम नियन्त्रणमा सरकारले १० अर्बौँ अनियमितता गरेको भन्दै विरोध प्रदर्शन गरेका हुन् ।
विभिन्न प्लेकार्ड सहितको नारा लगाउँदै प्रदर्शनकारीहरुले आरडिटी परीक्षण बन्द गरी पीसीआर पीसिआरको दायरा बढाउनुपर्ने माग गरेका थिए ।
सरकारले जनताको कुरा नसुनेर परीक्षण र व्यवस्थापनमा व्यापक भ्रष्टाचार गरेको उनीहरुको आरोप छ । उनीहरुले राहतमा र स्वास्थ्य सामग्री खरिदमा भ्रष्टाचारको गन्ध, जनतामारा सरकार लगायतका नाराबाजी गरेका थिए ।
१० अर्ब खर्च गरिएको भनिएको विवरण सार्वजनिक गरी पारदर्शिता देखाउनुपर्ने उनीहरुको माग छ । साथै उनीहरुले भारतसँगको सिमा विवाद सुल्झाउन तथा नेपाली सिमा रक्षा गर्न समेत माग गरेका थिए । एमसीसी परियोजनाका विषयमा समेत उनीहरुले आवाज उठाएका थिए ।