भरतपुर, चितवन \ कोरोना भाइरस उपचारको लागि भन्दै निर्माण गरिएको भरतपुर कोरोना विशेष (अस्थायी) अस्पताल बन्द भएको छ । उक्त अस्पताल भरतपुर महानगरपालिकाको अग्रसरतामा निर्माण गरिएको हो ।
नेपालमा कोरोना संक्रमण सुरु हुनुभन्दा अघि महानगरको नेतृत्वमा ७२ घण्टाभित्र निर्माण गरिएको अस्पताल बन्द गरिएको भरतपुर अस्पतालले विज्ञप्ति मार्फत जानकारी गराइएको छ । उक्त कोरोना अस्पताल निर्माणको समय देखिनै बिबादमा फस्दै आएको छ ।
अस्पतालका प्रमुख मेडिकल सुपरिटेण्डेन्ट डा श्रीराम तिवारीद्वारा जारी विज्ञप्तीमा भनिएको छ – ‘हालसम्म कोरोना विशेष (अस्थायी) अस्पतालबाट शनिबार र आइतबार गरी १८ जना पोजेटिभ बिरामीहरुलाई भरतपुर अस्पतालमा स्थानान्तरण गरी उक्त कोरोना विशेष (अस्थायी) अस्पताल बन्द गरिएको छ ।’
सुरक्षाको दृष्टिकोणले उक्त अस्पताललाई पूर्ण रुपमा निर्मलीकरण गरिने अस्पतालले जनाएको छ ।
- ADVERTISEMENT -
