जिल्ला प्रशासन कार्यालय चितवन लकडाउन कडाई गर्दै

चितवन । सरकारले गरेको निर्णय उल्लघंन गर्नेलाई कारवाहीको दायरामा ल्याइने भएको छ । जिल्ला विपद व्यवस्थापन समिति र सर्वदलीय सर्वपक्षीय बैठकले गत जेठ २८ गतेदेखि लकडाउनको मोडालिटीमा आएको परिवर्तनपछि देखिएको वेथितिलाई मध्यनजर गर्दै त्यस्तो निर्णय गरिएको हो ।
यातायात कार्यालय, जिल्ला प्रशासन कार्यालय, बैंक तथा वित्तिय संस्था र अस्पताल लगायतका क्षेत्रमा केही दिन यता भीडभाड बढेको सरकारको बन्द गर्ने सूचीमा रहेका अटो रिक्सा, सैलुन, व्यूटी पार्लर र केही होटलहरु मापदण्ड मापदण्ड विपरित खुल्ला गरिएको बैठकमा विषय उठाइएको थियो ।
समुदायमा संक्रमण पैmलियो भने कन्ट्याक ट्रेसिङमा समस्या हुन सक्ने र यसलाई नियन्त्रण गर्ने विषयमा प्रशासनलाई सर्वदलीय सर्वपक्षीय सहमति चाहियो भन्ने प्रस्तावमा प्रमुख जिल्ला अधिकारी नारायणप्रसाद भट्टराईलाई उपस्थित सबैले समर्थन जनाएका थिए ।
बैठकमा संघीय सांसद कृष्णभक्त पोखरेल, प्रदेशसभा सदस्यहरु घनश्याम दाहाल, कृष्ण खनाल, मिलनबाबु श्रेष्ठ र स्थानीय तहका प्रमुखहरुको उपस्थिति रहेको थियो । बैठकमा जिल्ला समन्वय समिति, स्वास्थ्य कार्यालय, भरतपुर अस्पताल, उद्योग बाणिज्य संघ, उद्योग संघ र सुरक्षा निकायका प्रमुखहरुको उपस्थिति थियो ।
बैठकमा काठमाण्डौं प्रवेशमा गरिएको कडाइको विरोध गर्दै विरामी र अत्यावस्यक समस्यामा परेकालाई सहज हुने वातावरण हुनुपर्ने माग गरेका थिए । बैठकमा नेपाल कम्युनिष्ट पार्टी (नेकपा) चितवनका अध्यक्ष यमबहादुर परियार, नेपाली काँग्रेस चितवनका सभापति जीत नारायण श्रेष्ठले कोभिड–१९ फैलन नदिन पार्टीको तर्फबाट गर्नुपर्ने सहयोगमा कमी नहुने प्रतिवद्धता जनाएका थिए ।