थपियो ३१६ जना, नेपालमा अहिलेसम्म १३ हजार ५६४ संक्रमित

काठमाडौँ । नेपालमा पछिल्लो २४ घण्टामा थप ३१६ जनामा कोरोना भाइरस (कोभिड१९) पुष्टि भएको छ । नियमित प्रेस सम्मेलनमा थप ३१६ जना कोरोना संक्रमित भेटिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता डा. जागेश्वर गौतमका अनुसार मंगलबार थपिएका नयाँ संक्रमितसँगै नेपालमा कुल संक्रमितको संख्या १३ हजार ५६४ पुगेको छ । संक्रमितमध्ये हालसम्म कोरोनाबाट निको हुनेको संख्या ३ हजार १ सय ९४ पुगेको छ ।
अहिलेसम्म थप ६० जना उपचारपछि निको भएर डिस्चार्ज भएका छन् । नेपालमा ७७ वटै जिल्लामा संक्रमण फैलिएको छ ।