गायिका कुसुमद्वारा प्रहरीको सम्मानमा ‘ज्यान हजुर’

चितवन । गायिका कुसुम गुरुङले नेपाल प्रहरीको कर्तव्यबोधसँग सम्बन्धित ‘ज्यान हजुर’ गीत सार्वजनिक गरेको छ । गायिका गुरुङले
आफैँबाट संचालित युट्युब च्यानलमार्फत उक्त ‘ज्यान हजुर’ गीत सार्वजनिक गरेकी हुन् ।
गीतमा एक प्रहरी जवानलाई मन पराउने युवतीको भावना व्यक्त गरिएको उनले बताइन् । गीतमा युवतीले आफ्नो मायाभन्दा प्रेमी प्रहरी जवानको देशप्रतिको सेवाभाव उच्च रहेको सन्देश दिन खोजिएको छ ।
शान्तिराम राईको संगीत रहेको गीतमा सुरेश हाचेकालीको शब्द रहेको छ । कुसुमले भने, राष्ट्रसेवक प्रहरीप्रति सम्मान व्यक्त गर्न यो ‘ज्यान हजुर’ गीत उपहार स्वरुप पस्केको हुँ । भविष्यमा पनि प्रहरीको उच्च सम्मानका यस्तै देशभक्ति झल्कने गीतहरु ल्याउने उनको भनाइ छ ।