हेटौँडा र मनहरीमा सोमबारबाट ३२ गतेसम्म निषेधाज्ञा

हेटौंडा । मकवानपुरमा आइतबार एकै पटक २३ जनामा कोरोना पुष्टि भएपछि भोलि २६ गते सोमबार राति १२ बजेबाट ३२ गते १२ बजेसम्म निषेधाज्ञा गर्ने निर्णय गरिएको छ । जिल्ला प्रशासन कार्यालय मकवानपुका प्रजिअ दिपकराज नेपालको अध्यक्षतामा बसेको बैठकले उक्त निर्णय गरेको हो ।
जिल्ला कोभिड १९ संकट व्यवस्थापन केन्द्रको आकस्मिक बैठकले हेटौँडा र मनहरी गाउँपालिका अन्तर्गत राजमार्ग आसपासका क्षेत्रमा निषेधाज्ञा गरिने प्रजिअ नेपालले बताउनुभयो ।
मकवानपुरमा दिनप्रतिदिन कोरोना संक्रमितको संख्यामा बृद्धि हुदै गएपछि प्रशासनले निषेधाज्ञा जारी गरेको हो । आइतबार संक्रमित मध्ये १६ जना मकवानपुर घर भएका हुन् भने अन्य कामको सिलसिलामा मकवानपुर बस्दै आएका छन् ।
बागमती प्रदेश प्रवेश गर्ने मुख्य चुरीयामाई नाकामा कडाई गर्ने र जिल्लामा रहेका ब्यूटीपार्लर, हेल्थ क्लब, सैलुन, होटल रेस्टुरेन्ट सञ्चालनमा प्रतिबन्ध लगाइएको छ ।