मिर्गौला पिडित महिलालाई नगद १८ हजार सहयोग

–रवि रोषी
चितवन / मिर्गौला पीडितलाई नगद १८ हजार हस्तान्तरण गरिएको छ । आफू बस्दै आएको घरभाडा तिर्न नसकेपछि अन्यत्र आश्रय लिएका मिर्गौला रोगीलाई मंगलबार नगद १८ हजार हस्तान्तरण गरिएको छ ।
माडीका स्थानीय वासिन्दा हाल उपचारको लागि रत्ननगर टाँडी बस्दै आएका लोकबहादुर विकलाई रत्ननगर नगरपालिका वडा नं. २ का वडा अध्यक्ष तिलकराज शर्मा र सामाजिक अभियन्ता केपि किरण शर्माद्वयले सो रकम हस्तान्तरण गर्नुभएको हो ।
खैरहनी नगरपालिकाका सामाजिक अभियन्ताहरु मुरलीप्रसाद गजुरेल तथा केपिकिरण शर्माको विशेष पहलमा सो रकम संकलन गरिएको हो । सहयोग रकम प्रदान गर्नेहरुमा खैरहनी नगरपालिका वडा नं. १ ज्यामिरेका राहत संकलन संयोजक भूमिप्रसाद कँडेलका छोरा लेलिन कँडेल मार्फत ९३२०, खैरहनी नगरपालिका वडा नं. १ घर भई हाल अष्टे«लिया रहनुहुने सन्देश डल्लाकोटीबाट ७६८० र खैरहनी नगरपालिका वडा नं. ८ मा अवस्थित नीलगिरी बचत तथा ऋण सहकारी संस्थाकी प्रमुख सुनिता लामाबाट रु १००० प्राप्त भएको हो ।
पिडीतको परिवारको आवश्यकीय पौष्टिक आहारको लागि शान्ति मेड नेपाल स्विटजरल्याण्डको तर्फबाट रत्ननगर बकुलहर अस्पतालका देवेन्द्र श्रेष्ठबाट १ महिना पुग्ने खाद्यान्न सामाग्री प्रदान गरिएको थियो ।