May 18, 2024

आइसोलेसनबाट भागेका युवा नुवाकोटमा पक्राउ

August 26, 2020

चितवन । भरतपुर अस्पतालको आइसोलेसनबाट भागेका युवा नुवाकोटमा समातिएको छ । भागेका ती युवालाई प्रहरीले चेकजाँचका क्रममा आज बुधबार बिहान १०ः३० बजे फेला पारेको जिल्ला प्रहरी कार्यालय चितवनका प्रवक्ता सूर्यबहादुर थापाले जानकारी दिनुभयो ।
प्रवक्ता थापाका अनुसार ती १९ वर्षिय युवालाई नुवाकोटको बेलकोटगढी वडा नम्बर ५ मा पक्राउ गरिएको हो । नुवाकोट स्थायी घर भई भरतपुर महानगरपालिका वडा नम्बर १२ भाडामा बस्दै आएका ती युवालाई अहिले नुवाकोटकै आईसोलेसनमा राखिएको प्रहरीले बताएको छ ।
उनीलाई प्रहरीले चोरी मुद्दामा पक्राउ गरेको थियो भने थुनामा रहेको समयमा भदौ ५ गते कोरोना संक्रमण पुष्टि भएको थियो । त्यस लगत्तै परिवारको जिम्मा लगाएर भरतपुर अस्पतालको आईसोलेसनमा राखिएकोमा उनी त्यहाँबाट भागेका हुन् ।

- ADVERTISEMENT -
- ADVERTISEMENT -
- ADVERTISEMENT -