चट्याङले गम्भीर घाइते भएका किसानलाई सहयोगको अपिल

देवघाट / चट्याङ लागेर गम्भीर घाइते भएका देवघाट गाउँपालिका ५ का २१ वर्षीय किसान तामाङको आर्थिक अभावका कारण उपचार हुन सकेको छैन । भदौ २३ गते मंगलबार राति ११ बजे चट्याङ लागेर गम्भीर घाइते हुन पुगेका किसान उपचार अभावमा परेका छन् । चट्याङ लागेर बेहोश भएका तामाङको अनुहार र शरिरभरि चोटैचोट छ ।
चार दिनसम्म भरतपुरको चितवन मेडिकल कलेज (सिएमसी) मा राखेर उपचार गरेता पनि आर्थिक अभावकै कारण थप उपचार गर्न नसकेपछि उनलाई परिवारले अस्पतालबाट घर लगेका छन् ।
उपचार गर्ने पैसा सकिएको र यो बेला सापटी पनि कसैले नदिने हुदाँ थप उपचार गर्न आर्थिक अभाव भएकैले अस्पतालबाट डिस्चार्ज गरेर ल्याएको आमा सुनिता तामाङले बताउनुभयो । आमा सुनिताका अनुसार गम्भिर घाइते भएको कारण उनी घरकै पिढीको खाटमा लडिरहेका छन् ।
कोही मनकारी महानुभावले आर्थिक सहयोग गरिदिए थप उपचार गर्न सकिने थियो पीडितका आमा सुनिताले आग्रह गर्नुभयो । उहाँले मनकारी सहयोगी हातहरुलाई सहयोग गरिदिनहुन अपिलसमेत गर्नु भएको छ ।
पीडित तामाङलाई सहयोग गर्न चाहनुहुने महानुभावहरुले मो नं.९८२५२६७९५२ र देवघाट गाउँपालिका प्रेस सल्लाहकार आशिक रानालाई ९८४५१९५५४८ नम्बरमा सम्पर्क गरी सहयोग गर्न सक्नुहुनेछ ।