रत्ननगरका मेयर वनलाई कोरोना संक्रमण पुष्टि

चितवन / रत्ननगर नगरपालिकाका मेयर नारायण वनलाई कोरोना पुष्टि भएको छ । मेयर वनले भदौ २८ गते स्वाब दिएकोमा बिहीवार परीक्षणमा कोरोना पुष्टि भएको हो । उहाँले कोरोनासँग मिल्दोजुल्दो लक्षण देखिएपछि स्वाब परीक्षणका लागि दिएका थिए ।
उहाँका अनुसार आफन्तलाई अस्पताल उपचार गर्न लैजाने क्रममा अस्पतालबाटै उनलाई कोरोना संक्रमण भएको हुन सक्ने अनुमान छ । स्वाव दिने बेलामा उहाँमा केही लक्षण देखिएको भएपनि अहिले स्वास्थ्य अवस्था सामान्य रहेको बताइएको छ । अहिले उहाँ होम आइसोलेसनमा बसिरहेका छन् ।