राक्सिराङ जीप दुर्घटनामा ३ को मृत्यु

मकवानपुर / मकवानपुरको राक्सिराङ गाउँपालिका वडा नम्बर ३ स्थित सरिखेत नजिक झिल्किनी भन्ने ठाउँमा बोलेरो जीप दुर्घटना हुँदा तीनजनाको मृत्यु भएको छ ।
मनहरी बजारबाट पसलको सामान साथै यात्रु बोकेर सरिखेत जाँदै गरेको ग१च ७१७५ नम्बरको जीप सडकबाट करिब ४० फिट तल खस्दा १४ वर्षीय अनुप वाइबा र १३ वर्षीय रिजन तितुङको घटनास्थलमै मृत्यु तथा २७ बर्षीय सुजन शाहीको उपचारको क्रममा पुरानो मेडिकल कलेजमा मृत्यु भएको मकवानपुर प्रहरी प्रवक्ता डिएसपी इन्द्र बहादुर रानाले जानकारी दिनुभयो ।
प्रहरी प्रवक्ता रानाका अनुसार जीपमा चालकसहित ७ जना सवार रहेको बताइएको छ भने अन्यको अवस्था सामान्य रहेको छ ।