July 22, 2024

चितवनमा दुई कोरोना संक्रमितको मृत्यु

October 7, 2020

चितवन / चितवनमा थप दुई जना कोरोना भाइरस संक्रमितको मृत्यु भएको छ । चितवन मेडिकल कलेज भरतपुरमा उपचाररत भरतपुर–१० का ६१ वर्षीय पुरुषको मंगलबार साँझ ६ः३० बजेको समयमा मृत्यु भएको अस्पतालले जनाएको छ । असोज ८ गते मधुमेह र उच्च रक्तचापको समस्या भई अस्पताल भर्ना भएका ती पुरुषको मंगलबारै साँझ ६ बजे कोरोना रिपोर्ट पोजिटिभ आएको थियो ।
यस्तै मंगलबारै साँझ पुरानो मेडिकल कलेज भरतपुरमा उपचाररत राप्ती नगरपालिका–९ का ८१ वर्षीय पुरुषको मृत्यु भएको छ । असोज १८ गते पीसीआरका लागि स्वाब दिएर घरमै बसेका ती पुरुष साँझ ६ बजे अस्पताल पुगेका थिए ।
श्वासप्रश्वासको समस्या देखिएका ती पुरुषको ६ः३० बजेको समयमा मृत्यु भएको अस्पतालले जनाएको छ । उनको साँझ ७ बजे कोरोना रिपोर्ट पोजिटिभ आएको हो ।

- ADVERTISEMENT -
- ADVERTISEMENT -