April 13, 2024

चितवनमा थप ३४ संक्रमित, चितवनकै ३२ जना

October 13, 2020

चितवन / चितवनमा थप ३४ जनामा कोरोना भाइरसको संक्रमण (कोभिड–१९) पुष्टि भएको छ । भरतपुर (कोभिड–१९) परीक्षण प्रयोगशालामा थप ३४ जनामा कोरोना भाइरसको संक्रमण (कोभिड–१९) पुष्टि भएको ल्याब प्रमुख डा नितु अधिकारी जानकारी दिए ।
डा अधिकारीका अनुसार २५२ जनाको स्वाब परीक्षणमा ३४ जनामा संक्रमण पुष्टि भएको हो । संक्रमितमध्ये ३२ जना चितवनका हुन् भने बाँकी २ जना सर्लाही र नवलपरासीका पुरूष छन् ।
संक्रमित हुनेहरू १५ वर्षीय किशोरदेखि ६६ वर्षका पुरूषसम्म छन् । भरतपुर अस्पतालले सोमबार राति सार्वजनिक गरेको परीक्षण रिपोर्ट अनुसार भरतपुरका १९ पुरूष र ८ महिलामा संक्रमण पुष्टि भएको छ । यस्तै माडी कि १ महिला, खैरहनीका १ पुरूष, रत्ननगरका २ पुरूष र इच्छाकामनाका १ पुरूषमा संक्रमण पुष्टि भएको उनले जानकारी दिइन् ।

- ADVERTISEMENT -