कुटपिटबाट महिलाको गयो ज्यान

स्याङ्जा / स्याङ्जामा कुटपिटबाट एक महिलाको ज्यान गएको छ । पुतलीबजार नगरपालिका वडा नं–३ कालीमाटीमा मदिराले मात्तिएर ४१ वर्षीय कृष्ण परियारले ३५ वर्षीया मनकुमारी नेपालीको कुटपिट गर्दा ज्यान गएको जिल्ला प्रहरी कार्यालय स्याङ्गजाका प्रहरी नायव उपरीक्षक राजेन्द्रप्रसाद अधिकारीले जानकारी दिए ।
प्रनाउ अधिकारीका अनुसार सोमबार बिहान अन्दाजी ६ः४५ बजेको समयमा बालमन्दिर अगाडि नेपाली अचेत अवस्थामा फेला परेको हो । उनलाई तत्काल उपचारका लागि जिल्ला अस्पताल पु¥याइए पनि चिकित्सकले उनलाई मृत घोषणा गरेको थियो ।
प्रहरीले हत्या गरेको आरोपमा कृष्ण परियालाई पक्राउ गरेको छ । पक्राउ परेका परियारमाथि जिल्ला अदालत स्याङ्गजाबाट २५ दिनको म्याद थप गरी कर्तव्य ज्यान कसूर शिर्षकमा मुद्दा दर्ता गरी थप अनुसन्धान अघि बढाइएको प्रनाउ अधिकारीले बताए ।