गैडाकोटबाट हराईरहेका दाजुभाई मृतावस्थामा फेला

नवलपुर / नवलपुरको गैंडाकोट–३, जयश्री खोलामा दुई शव भेटिएको छ । उक्त शव सोमबार गैँडाकोट नगरपालिका वडा नं. २ एसपीएम टोलका वर्ष २६ का विजयबाबु पौडेल र वर्ष २१ का संगम पौडेल भएको बुधबार इलाका प्रहरी कार्यालय गैंडाकोटले जनाएको छ ।
शवको मृतकका आफन्तले पहिचान गरेको इलाका प्रहरी कार्यालयका प्रहरी निरीक्षक चन्द्रबहादुर थापाले जानकारी दिए । विहान घरमा परिवारसँगै खाना खाएर करिव साढे १० वजे घरबाट निस्केका उनीहरु सम्पर्कमा नआएपछि परिवारले खोजी गरिदिन प्रहरीलाई आग्रह गरेका थियो ।
जयश्री खोलाको बाँधबाट बनेको रहको किनारमा एउटा र पानीमा डुवेको अवस्थामा अर्को युवाको शव फेला परेको इलाका प्रहरी कार्यालय गैंडाकोटका प्रमुख थापाले बताए । घटनास्थल सुरक्षित राखिएको र बाँकी प्रकृया आज बिहीबार गरिने प्रहरी निरीक्षक चन्द्रबहादुर थापाले भने ।