चितवनमा देउसीभैलो नखेल्न प्रशासनको आग्रह

चितवन / जिल्ला प्रशासन कार्यालय चितवनले देउसीभैलो खेल्न रोक लगाउने भएको छ । जिल्लावासीहरुलाई आउँदै गरेको नेपालीको दोस्रो महान् पर्व तिहारमा देउसीभैलो खेल्दा कोरोना संक्रमण (कोभिड–१९) बढ्न सक्ने भएकाले यस वर्ष नखेल्न प्रशासनले आग्रह गरेको हो ।
जिप्रका चितवनका प्रमुख जिल्ला अधिकारी नारायणप्रसाद भट्टराईका अनुसार तिहारमा घरदैलोमा जाने, देउसीभैलो खेल्ने, दान दक्षिणा उठाउने काम गर्न नपाइने भएको छ । यो समयमा देउसीभैलो भन्दा आफ्नो, आफन्त र समाजको स्वास्थ्यको ख्याल राख्नुपर्ने उनले बताए
उनले कोभिड–१९ लाई मध्यनजर गर्दै तिहारमा पूर्णरूपमा देउसीभैलो खेल्न निषेध गरिएको जानकारी दिए । यदि कसैले अटेर गरी देउसीभैलो खेलेको पाइएमा कानूनी कारवाही गरिने उनले भने । स्वास्थ्य सुरक्षाको उचित प्रबन्ध मिलाएर आफ्नै घरभित्र रहेर चाडपर्व मनाउन प्रशासनले आग्रह गरेको छ ।