चितवनमा ६१ जनाद्वारा रक्तदान

चितवन / लायन्स क्लव अफ भरतपुर उज्यालोले रक्तदान कार्यक्रम गरेको छ । चितवनमा बढ्दै गएको रगतको अभावलाई केही भए पनि न्यून गर्ने उद्देश्यले सोमबार भरतपुरको चौबिसकोटीमा रक्तदान कार्यक्रम गरिएको क्लबका जोन चियरपर्सन रितु गिरीले जानकारी दिए ।
भरतपुरमा भएको रक्तदान कार्यक्रममा १२ महिलासहित ६१ जनाले रक्तदान गरेका थिए । लायन्स क्लबस् ईन्टरनेशनल ३२५ वी २ का डिस्ट्रिक भाईस गर्भनर रामप्रसाद भट्टको प्रमुख आतिथ्यतामा उक्त कार्यक्रम भएको थियो । कार्यक्रममा एरिया नं. ३ का एरिया चिफ प्रभाकर पण्डीत र जोन चेयरपर्सन ऋतु गिरी विशिष्ट अतिथि रहनु भएको सो कार्यक्रममको अध्यक्षता लक्ष्मी रिजालले गरेका थिए ।
कार्यक्रममा प्रमुख अतिथि रामप्रसाद भट्ट, विशिष्ट अतिथि रितु गिरी, विकास पौडेल, एकराज बुर्लाकोटी, अमृत भट्टराई र प्रमिला प्रधान लगायले मन्तव्य दिएका थिए । कार्यक्रमका वक्ताहरुले रक्तदान दान जीवन दान भएकोले सबैले रक्तदान गर्नुपर्नेमा जोड दिएका थिए ।