रत्ननगरको हरिहर मन्दिर महायज्ञमा १८ लाख रुपैया संकलन

चितवन / रत्ननगर १ निपनीमा रहेको गायन्त्री हरिहर मन्दिरमा आयोजना गरिएको श्री गणेश पुराण तथा धनधान्याञ्चल ज्ञान महायज्ञमा १८ लाख भन्दा बढी आर्थिक संकलन भएको छ । १८ लाख रुपैया संकलन हुँला रत्ननगर ९ का प्रेमप्रसाद पौडेलले १ लाख ११ हजार १११,रत्ननगर १० हरिहर टोलका शिवलाल पराजुलीले १ लाख ३ हजार र विराटनगरका दिलीपकुमार लाभले १ लाख १ हजार रुपैया सहयोग गरेका छन ।
मन्दिरले सञ्चालन गरेको गुरुकुलम सञ्चालानार्थ हरेक बर्ष महायज्ञ गर्ने गरेको मन्दिर व्यवस्थापन समितिका सचिव सोमनाथ भट्टले जानकारी दिए । महायज्ञमा आर्थिकसंगै धानसमेत संकलन भएको छ । शुक्रवार आयोजित महायज्ञको समापन कार्यक्रममा रत्ननगर नगरपालिकाकी उपमेयर विमला दुवाडी,मन्दिर व्यवस्थापन समितिका अध्यक्ष नेमराज पौडेल र धर्मशाला व्यवस्थापन समितिका अध्यक्ष शंकर गिरीले दाताहरुलाई दोसल्ला र सम्मानपत्रले सम्मान गरेका थिए ।
सो अबसरमा उपमेयर दुवाडीले हरिहर मन्दिरलाई आस्थाको केन्द्र मात्र होइन धार्मिक पर्यटकीय स्थलको रुपमा विकास गरिने बताइन । धर्मशाला निर्माण समितिका संयोजक तथा रत्ननगर उवासंघका बरिष्ठ उपाध्यक्ष शंकर गिरीले हरिहर मन्दिरलाई धार्मिक पर्यटनको केन्द्र बनाउन धर्मशाला निर्माण सुरु गरेको बताए । मन्दिर व्यवस्थापन समितिका अध्यक्ष नेमराज पौडेलको अध्यक्षतामा भएको कार्यक्रममा कार्यक्रम संयोजक निलकण्ठ पौडेलले महायज्ञको उद्देश्यको बारेमा प्रकास पारेका थिए । मन्दिर व्यवस्थापन समितिले जन्मदिन,विवहा लगायतका शुभकार्य गर्दा मन्दिरको सहयोगार्थ तुलादान गर्न सकिने व्यवस्था गरिएको सदस्य हेमराज पौडेलले जानकारी दिए ।