११ किलो लागूऔषध गाँजा र अटोसहित एकजना पक्राउ

हेटौंडा / जिल्ला प्रहरी कार्यलय मकवानपुरबाट खटिएको प्रहरी टोलिले ११ किलो लागूऔषध गाँजा सहित अटो र त्यसका चालकलाई पक्राउ गरेको छ।
प्रहरीले मंगलबार बिहान पूर्वपश्चिम राजमार्ग अन्तर्गत हेटौंडा उपमहानगरपालिका वडा नम्बर १९ नेवारपानीबाट ११ किलो लागूऔषध गाँजा र अटो बरामद गरेको हो ।
पर्साको सखुवा पर्सौनी गाउँपालिक-२ का चन्द्रबहादुर दमाई र उनले चलाएको ना २ ह ४१०९ नम्बरको अटो नियन्त्रणमा लिएको प्रहरीले जनाएको छ ।
दमाईको साथबाट ६७ हजार नेपाली र २ हजार ५ सय रुपैया भारतिय रुपैयाँ समेत बरामद गरेको प्रहरीले जनाएको छ।