पिठुवा खानेपानी संस्थाको चौथो वार्षिक साधारणसभा

रत्ननगर / चितवनको रत्ननगर–१५ मा अवस्थित पिठुवा खानेपानी तथा सरसफाई उपभोक्ता संस्थाको चौथो साधारण सभा शनिबार सम्पन्न भएको छ । बाग्मती प्रदेश सभा सदस्य तथा नेकपा चितवन ईन्चार्ज माननीय कृष्णप्रसाद खनाल प्रमुख अतिथि रहनु भएको थियो ।
कार्यक्रममा लेखा समिति संयोजक गौतम बाबु अर्यालले लेखा परिक्षण प्रतिवेदन प्रस्तुत गरेका थिए भने आर्थिक प्रतिवेदन संस्थाकी कोषाध्यक्ष विष्णु भण्डारी कट्टेल र सचिव बासु लामिछानेले संस्थाको प्रगति प्रतिवेदन प्रस्तुत गरेका थिए ।
यस्तै कार्यक्रममा संस्थाको अध्यक्ष आशिक तामाङले संस्थाको भावी नीति तथा कार्यक्रम एवम् बजेट प्रस्तुत गरेका थिए भने उत्कृष्ट कर्मचारीको रुपमा बाबुराम मगर पुरस्कृत भएका थिए ।
कार्यक्रममा बागमती प्रदेश सभा सदस्यद्वय माननीय कृष्णप्रसाद खनाल र कंञ्चन खनाल, रत्ननगर नगरपालिकाका नगर प्रमुख नारायण वन, रत्नगरनगर नगरपालिका उप–प्रमुख बिमला दुवाडीलगायतले शुभकामना मन्तव्य व्यक्त दिएका थिए ।
कार्यक्रममा स्वागत मन्तव्य संस्थाका उपाध्यक्ष मुक्ति लामिछानेले राख्नुभएको थियो भने सचिव बासु लामिछानेले संचालन गर्नुभएको थियो ।