ठगी गर्दै हिँड्ने एक जना पक्राउ

चितवन / प्रहरीले ठगीको आरोपमा एक जनालाई पक्राउ गरेको छ । राष्ट्रिय अनुसन्धानको उपअनुसन्धान निर्देशक (एसपि) भएको बताउँदै ठगी गर्ने एक जनालाई प्रहरीले पक्राउ गरेको हो ।
जिल्ला प्रहरी कार्यालय चितवनका प्रमुख प्रहरी उपरिक्षक ओमप्रसाद अधिकारीका अनुसार पक्राउ पर्नेमा धादिङको त्रिपुरा सुन्दरी घरभएका ४५ वर्षीय बुद्धिप्रसाद पन्त रहेका छन् ।
उनलाई खैरहनी नगरपालिका वडा नम्बर ८ मा रहेको होटलबाट राति पक्राउ गरिएको जिल्ला प्रहरी कार्यालय चितवनले जानकारी दिए ।
उनले आफुलाई राष्ट्रिय अनुसन्धानको एसपि भएको बताउँदै स्थानीयसँग रकम उठाउने, विभिन्न काम गरिदिने प्रलोभनमा पारेर ठगी गर्ने गरेको एसपी अधिकारीले बताए ।
यसअघि पन्त राष्ट्रिय अनुसन्धानको सूचकको रुपमा रहेर काम गरेका व्यक्ति भएको बताइएको छ भने काम छोडेर भागेका ती व्यक्ति ठगीमा लागेको प्रहरीले बताए ।
पक्राउ परेका पन्तलाई म्याद थप गरी अनुसन्धान सुरु गरेको प्रहरीले बताएको छ ।