June 14, 2024

चितवनमा काठमाडौं वल्र्ड स्कूलको ‘मिनी शैक्षिक मेला’

April 23, 2021

चितवन / काठमाडौं वल्र्ड स्कुलले भरतपुरमा ‘मिनी शैक्षिक मेला’ सम्पन्न गरेको छ । चौधरी ग्रुपको सिजी होल्डिङ्सद्वारा सञ्चालित भक्तपुरको सूर्यविनायकमा अवस्थित उक्त स्कुलको व्यवस्थापन सहितको टोलीले बिहीबार भरतपुरको सिजी ल्याण्डमार्क शैक्षिक मेलाको आयोजना गरेको थियो । यसअघि उक्त टोली ईटहरीमा मेला सम्पन्न गरी चितवन आइपुगेको हो ।
‘राम्रो भविष्यका लागि शिक्षा’ मुख्य नारासहित अघि सारेको स्कुलको मेलामा चितवनका शिक्षासम्बन्धी सरोकारवाला, उद्योगी व्यवसायी तथा अभिभावक तथा विद्यार्थीसंँग परामर्श र अन्तरक्रिया गरेको थियो ।
सो अवसरमा प्रस्तुतिकरण दिदै स्कुलका प्राचार्य केशर खुलालले अन्तराष्ट्रिय गुणस्तर र पूर्वाधार सहितको शिक्षा प्रणालीको विकास गरी त्यस्ता विद्यार्थीलाई नेपालमै शिक्षा दिने उद्देश्यले काठमाडौं वल्र्ड स्कुल सञ्चालनमा ल्याईएको बताए ।
‘गुणस्तरीय शिक्षाको लागि लाखौ रुपैयांँ बाहिर जाने र हजारौं विद्यार्थी विदेश जाने वर्गलाई लक्षित गर्दै काठमाडौं वल्र्ड स्कुल सञ्चालनमा ल्याएका हो । प्रिन्सिपल खुलालले भने, वल्र्ड स्कुलले अबको २० बर्षपछिको दक्ष जनशक्ति उत्पादन र परिपूर्ती गर्ने उद्देश्यसहित स्कुल सञ्चालनमा ल्याइएको खुलालको भनाइ छ ।
नेपालमा शिक्षाको गुणस्तर विकास गर्न स्रोत साधनको कमी भएको भन्दै उनले नेपालमै यस स्कुलले अन्र्तराष्ट्रियस्तरको शिक्षा प्रदान गरिरहेको उनले बताए । हाम्रो शैक्षिक प्रणाली प्रोग्रेसिभ शैक्षिक प्रणालीमा आधारित छ । उनले भने, अब गुणस्तरीय शिक्षाको विकल्प वल्ड स्कुल नै हो ।
स्कुलको बारेमा बताउंँदै खुलालले काठमाडौ स्कुलको तुलनात्मक रुपमा फि बनोट बढी भएपनि विद्यार्थीको शिक्षाको गुणस्तर र भौतिक पूर्वाधारमा कमी नभएको उनको भनाइ छ ।
कार्यक्रममा बोल्दै शिक्षाविद् रमाकान्त सापकोटाले अबको शिक्षा सिर्जनशील र व्यवहारिक दुबै हुनुपर्ने बताए । पछिल्लो समय शैक्षिक संस्थाहरुमा पूर्वाधारको विकास भएपनि चाहेजस्तो गुणस्तरीय शिक्षा दिन नसकिएको उनको भनाई थियो । ‘अहिलेको शिक्षा शिक्षकले पढाउने तर विद्यार्थीले नसिक्ने भयो, सापकोटाले भने, ‘पढ्ने कुरामा किताव र सिक्ने कुरामा व्यवहारिक ज्ञानको जरुरी छ ।’
कार्यक्रममा अतिथिको रुपमा चितवन उद्योग संघका वरिष्ठ उपाध्यक्ष त्रिलोचन कंडेल, उद्योग वाणिज्य संघ, चितवनका वरिष्ठ उपाध्यक्ष चुननारायण श्रेष्ठ, चेम्बर अफ कर्मस, चितवनका सदस्य एवं युवा उद्यमी रुवीन रामुदामु, ईष्टु चितवनका अध्यक्ष तथा केन्द्रीय सदस्य जनक घिमिरे लगायत अभिभावक तथा विद्यार्थीहरुको सहभागिता रहेको थियो । कार्यक्रम स्कुल व्यवस्थापन समितिका अध्यक्ष इञ्जिनियर मिथिलेस कुमार झाको सभापतित्वमा सम्पन्न भएको हो ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -