झुटो हल्ला फैलाउने खड्का पक्राउ

धनगढी / धनगढी अक्सिजनको कालोबजारी भइरहेको भन्दै अफवाह फैलाएको आरोपमा प्रहरीले एक जनालाई पक्राउ गरेको छ ।
पक्राउ पर्नेमा धनगढी उपमहानगरपालिका–१ का तेजबहादुर खड्का रहेको जिल्ला प्रहरी कार्यालय धनगढीले जनाएको छ ।
उनलाई धनगढीबाट ६५० सिलिन्डर अक्सिजन कालोबजारी गरेर पहाडतिर ट्रकमा लैजाँदै गरेको भन्दै झूठो हल्ला फैलाएको आरोपमा पक्राउ गरेको हो ।
प्रहरीका अनुसार, खड्काले सामाजिक सञ्जाल फेसबुकमा कालोबजारी भएको भन्दै गलत कुरा सार्वजनिक गरेको पाइएकाले पक्राउ गरेको हो ।
पक्राउ परेका उनीमाथि सोधपुछ गर्ने काम भइरहेको प्रहरीले जनाएको छ ।