निषेधाज्ञामा जुवातास : नगदसहित पांँच जुवाडे पक्राउ

नवलपुर / निषेधाज्ञाको मौका छोपी जुवातास खेल्ने नगदसहित पाँच जनालाई प्रहरीले पक्राउ गरेको छ । कावासोती नगरपालिका वडा नं. १ हात्तीखोरमा दिउँसो १५ः३० को समयमा जुवातास खेलिरहेको अवस्थामा पक्राउ गरिएको जिल्ला प्रहरी कार्यालय नवलपुरले जनाएको छ ।
जिप्रका अनुसार पक्राउ पर्नेमा कावासोती नगरपालिका वडा नं. १ का चक्र मोक्तान, झवी अधिकारी, बल बहादुर, लक्ष्मण श्रेष्ठ र राजु घिमिरे रहेका छन् । स्थानीय प्रहरीले गस्ती गर्ने क्रममा कावासोती न.पा.वडा नम्बर १ हात्तिखोरको खाली कटेजमा होहल्लाले गर्दा उनीहरुलाई पक्राउ गर्न सफल भएको हो ।
प्रहरीले उनीहरुबाट नगद २५ हजार ९७० रुपैयांँ बरामद गरेका छन् । पक्राउ परेका निजहरुलाई मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्यवाही अघि बढाइने प्रहरीले बताएको छ ।