नक्कली प्रेस कार्ड सहित एकजना पक्राउ

चितवन / अनलाइन सञ्चार माध्यमको नक्कली परिचय पात्र बनाएर हिँड्ने एक जनालाई चितवन प्रहरीले पक्राउ गरेको छ । बाराको कोल्बी-२ खैरा भन्ने स्थानमा घर भई हाल चितवनको भरतपुर-३ प्रेसमार्गमा फोटो स्टुडियो सञ्चालन गर्दै आएका रामशरण भेटवाललाई प्रहरीले पत्रकारको नक्कली परिचयपत्रसहित पक्राउ गरेको हो ।
भेटवालले पलखबर डट कमको नक्कली परिचयपत्र बनाएर आफूलाई प्रधान सम्पादक भनेर लेखेको परिचयपत्र बोकेर हिँडेको अवस्थामा प्रहरीले उनलाई पक्राउ गरेको हो ।
प्रहरीले सुरक्षा चेकजाँच गर्ने बेलामा उनी पलखबर डट कमका प्रधान सम्पादक नभएको खुलेपछि नियन्त्रणमा लिएर अनुसन्धान अगाडि बढाइएको जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्यबहादुर थापाले जानकारी दिए ।