नेपाल थप २४४२ संक्रमित, निको ३४५६ जना

काठमाडौं / गत २४ घण्टामा २ हजार ४ सय ४२ जना कोभिड– १९ संक्रमित थपिएका छन् ।
स्वास्थ्य तथा जनसंख्या मन्त्रालयका नियमित पत्रकार सम्मेलनमा प्रवक्ता डा. कृष्णप्रसाद पौडेलले दिनुभएको जानकारी अनुसार देशभर गरिएको पीसीआर तथा एन्टीजेन परीक्षणमा २ हजार ४ सय ४२ जनामा संक्रमण पुष्टि भएको हो ।
गत २४ घण्टामा ३ हजार ४ सय ५६ जना कोरोना संक्रमणबाट निको भएको मन्त्रालयले जनाएको छ ।
२४ घण्टामा नै ५१ जनाको मृत्यु भएको मन्त्रालयले जनाएको छ ।
नेपालमा हाल ५५ हजार ५ सय ३२ जना सक्रिय संक्रमित रहेका छन् । ‘यो घट्दो दरमा छ,’ प्रवक्ता डा. पौडेलको भनाइ छ ।
काठमाडौं उपत्यकामा ५४८ जना संक्रमित थपिएका छन् । काठमाडौंमा ४५०, ललितपुरमा ५३ र भक्तपुरमा २५ जना संक्रमित थपिए ।
१० वटा जिल्लामा ५ सय भन्दा बढी सक्रिय संक्रमित छन् ।