नेपालमा थप २९७९ जना संक्रमित, २८ जनाको मृत्यु

काठमाडौं / नेपालमा पछिल्लो २४ घण्टामा नेपालमा २ हजार ९ सय ७९ जनामा कोरोना भाइरस संक्रमण पुष्टि भएको छ । बुधबार प्रेस ब्रिफिङ मार्फत २ हजार ९ सय ७९ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिए ।
मन्त्रालयका अनुसार देशभरका विभिन्न प्रयोगशालामा गरिएको ७ हजार ८३५ जनाको पीसीआर परीक्षणबाट २ हजार ७७ र ४ हजार ६३ जनामा गरिएको एन्टिजेन परीक्षणमा ९०२ जना गरी जम्मा २ हजार ९७९ जनामा संक्रमण पुष्टि भएको हो । यसअघि मंगलबार १ हजार ७१८ जनामा मात्र कोरोना देखिएको थियो ।
यस्तै पछिल्लो २४ घण्टामा १ हजार ३३३ संक्रमित कोरोनामुक्त भएका छन् । हालसम्म ६ लाख १४ हजार ३२७ जना संक्रमित निको भइसकेका छन् ।
त्यस्तै आजै २८ जना संक्रमितको मृत्यु भएको छ । हालसम्म ९ हजार २९१ जना संक्रमितको मृत्यु भइसकेको छ ।