‘समाज रुपान्तरणमा लियो क्लबको भूमिका महत्वपूर्ण’

–सुरक्षा न्यौपाने
चितवन । चितवन ग्रिन लियो क्लबको छैठौं वार्षिकोत्सव तथा पद हस्तान्तरण कार्यक्रम सम्पन्न भएको छ । वर्ष २०२०÷२१ का अध्यक्ष विकास मिश्रले वर्ष २०२१÷२२ का अध्यक्ष लियो सुवर्ण खरेललाई मंगलबार भरतपुरमा पद हस्तान्तरण गरेका हुन् ।
कार्यक्रमका प्रमुख अतिथि लायन भोजबहादुर खड्काले समाज रुपान्तरणमा लियो क्लबको भूमिका महत्वपूर्ण रहेको बताए । सानो प्रयासले ठूलो प्रतिफल दिन सक्ने उनको भनाइ थियो । लियो क्लबले युवाहरुलाई सामाजिक कार्यमा जोडेको उनले भने ।
कार्यक्रममा चितवन ग्रिन लियो क्लबका संस्थापक अध्यक्ष रोशन पौडेलले वर्ष २०२१÷२२ को कार्यसमितिका पदाधिकारी तथा सदस्यहरुको नामावली सार्वजनिक गरेका थिए भने पुराना ६ जना चार्टर मेम्बरहरुलाई सम्मानपत्रले सम्मान गरिएको थियो ।
कार्यक्रममा लियो डिष्ट्रिक ३२५ बि टु नेपालका डिष्ट्रिक एडभाइजर देबेन्द्रराज रेग्मी, चितवन ग्रिन लायन कल्बका वर्ष २०२०÷२१का ई सुमन कोइराला, लियो डिष्ट्रिक ३२५ बी २ नेपालका एक्जिक्युटिभ सेक्रेटरी पुरुषोत्तम सुवेदीलगायतको उपस्थिति रहेको थियो भने हरि पौडेलले कार्यक्रम सञ्चालन गरेको थियो ।