आज ​प्रतिनिधिसभाको बैठक बस्दै

काठमाडौं / पुनःस्थापित प्रतिनिधिसभाको बैठक आज बस्दै छ । बैठक आज अपराह्न ४ बजे बस्ने भएको हो ।
उक्त बैठक संसदको आठौं अधिवेशनको पहिलो हो ।
तत्कालीन प्रधानमन्त्री केपी शर्मा ओलीको सिफारिशमा राष्ट्रपति विद्यादेवी भण्डारीले विघटन गरेको प्रतिनिधिसभालाई पुनर्स्थापित गर्न सर्वोच्च अदालतको संवैधानिक इजलासले असार २८ गते परमादेश जारी गरेको थियो ।
आइतबारको बैठकमा अघिल्लो सरकारले ल्याएका केही विधेयकहरुलाई प्रक्रियामा लगिने कार्यसूची छ ।
दुई तिहाइ मत ल्याएर सत्तामा गएको नेकपा एमाले आजदेखि प्रतिपक्षमा बस्ने भएको छ ।