July 21, 2024

नेपालमा थप २४४५ मा कोरोना पुष्टि, ३२ जनाको मृत्यु

July 19, 2021

काठमाडौं / नेपालमा पछिल्लो २४ घण्टामा दुई हजार ४ सय ४५ जनामा कोरोना संक्रमण पुष्टि भएको छ । देशभरका प्रयोगशालामा गरिएको ११ हजार ६ सय ६४ जनाको पीसीआर र एन्टीजेन परीक्षण गर्दा उनीहरुमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार ७ हजार ८ सय ३३ जनाको पीसीआर परीक्षण गर्दा एक हजार ६ सय ४२ जना र ३ हजार ८ सय ३१ जनाको एन्टीजेन परीक्षण गर्दा ८ सय ३ जनामा संक्रमण पुष्टि भएको हो।
हालसम्म पीसीआर र एन्जीजेन परीक्षण गर्दा ७ लाख १८ हजार ४ सय ९४ जनामा संक्रमण पुष्टि भएको छ । तीमध्ये ६ लाख ३३ हजार ३ सय ३२ जना संक्रमणमुक्त भएका छन् । आज देशभर एक हजार २ सय ५८ जना संक्रमणमुक्त भएका छन् ।
त्यस्तै, पछिल्लो २४ घण्टामा ३२ जना संक्रमितको मृत्यु भएको छ। हालसम्म ९ हजार ५८२ जना संक्रमितको मृत्यु भइसकेको छ।
देशभर २५ हजार ८३७ जना सक्रिय संक्रमित रहेको स्वास्थ्य मन्त्रालयले जनाएको छ । तीमध्ये २२ हजार ३३४ जना संक्रमित होम आइसोलेसन र २ हजार ५०३ संस्थागत आइसोलेसनमा रहेका छन।

- ADVERTISEMENT -
- ADVERTISEMENT -