नहरमा हातखुट्टा धुने क्रममा दुई बालकको मृत्यु

चितवन / भरतपुर–२, क्षेत्रपुरको नहरमा दुई बालकको मृत्यु भएको छ । उनीहरु एकजना चिप्लिएर नहरमा खसेको र अर्को बचाउन जाने क्रममा मृत्यु भएको जिल्ला प्रहरी कार्यालय चितवनले जनाएको छ ।
प्रहरीका अनुसार मृत्युहुनेमा वर्ष १६ का अंकित जोशी र वर्ष १४ का विवेक शर्मा रहेका छन् । उनीहरु दुबै भरतपुर २, क्षेत्रपुरका हुन् । उक्त घटना उनीहरु क्रिकेट खेलेर आएपछि भएको हो । हातखुट्टा धुने क्रममा विवेक चिप्लिएर नहरमा खसेको थियो भने अंकित बचाउने क्रममा बेपत्ता भएका थिए ।
प्रहरीले खोजतलासको क्रममा घटनास्थलदेखि करिब २०० मिटर अगाडि उनीहरुलाई फेला पारेका थिए । उपचारको लागि अस्पताल पठाइए पनि अस्पतालले दुबैजनालाई मृत घोषणा गरेको प्रहरीले बताए ।