ग्राफिक मार्गको आधिकारिक रुपमा सेवा सुरु

चितवन / ग्राफिक मार्ग प्रा.लि.ले आधिकारिक रुपमा सेवा सुरु गरेको छ । प्रा.लि.ले २०७८ असार १४ गतेदेखि आधिकारिक सेवा केन्द्रको अनुमति लिई सेवा सुरु गरेको सोमबार प्रबन्ध निर्देशक जनक खड्काले जानकारी दिए ।
उक्त अवसरमा आउँदै गरेको चाडपर्वहरुलाई लक्षित गरी साउन ९ गतेदेखि कार्तिक ९ गतेसम्मका लागि ग्राहक फेष्टिबल अफर संचालन गरेको प्रबन्ध निर्देशक खड्काले बताए । सो अवधिमा दर्ता भएका कम्पनीको सेवा शुल्क रु ७ हजार ९ सय ९९ सयमा गरिने छ भने दर्ता भएका नयाँ कम्पनीहरु मध्येबाट गोलप्रथाद्वारा विजयी छनोट गरिने उनले भने ।
उनका अनुसार प्रथम हुनेलाई कम्पनी दर्ता गर्दा लागेको सेवा शुल्क मिनाह गरिने, दोश्रो हुनेलाई ३ महिने विवरण पेश गर्दा लागेको खर्च मिनाह हुने र तेस्रो हुनेलाई आकर्षक गिफ्ट ह्याम्पर प्रदान गरिने छ । गोलाप्रथाको नतिजा २०७८ कार्तिक १२ गते सार्वजनिक गरिने छ ।
प्रालिले कम्पनी दर्ता तथा खारेजी, नवीकरण, शेयर खरिद बिक्री, पूँजी वृद्धि, नामसारी, ठाउँसारीदेखि खारेजी, भ्याट सहजीकरण लेखा सम्बन्धी कामहरु गर्दै आइरहेको उनले बताए । उनले आजैबाट प्रा.लि. मातहतमै रहेर ११ जनाको साझेदारीमा ग्राफिक अफसेट प्रेस संचालन गरिएको बताए । संचालित सो प्रेसमा डिजाइन सम्बन्धी कार्य, रंगीन तथा सादा छपाईसम्बन्धी कार्यहरु एकै ठाउँबाट गरिने उनको भनाइ छ ।
चितवनको भरतपुरमा मुख्य कार्यालय रहेको प्रा.लि.को ५ वटा सम्पर्क कार्यालयहरु रहेका छन् । जसमध्ये दाङ, कावासोती, जनकपुर, त्रिपुरेश्वर र दमौलीमा शाखा कार्यालय संचालित रहेको तथा निकट भविष्यमा बुटवल र नेपालगंजमा पनि शाखा बिस्तार गरिने उनले भने ।
ग्राफिक मार्गले २०७६ सालबाट औपचारिक रुपमा सेवा सुरु गरेको हो ।