पछिल्लो २४ घण्टामा २५६८ थप संक्रमित, १८ जनाको मृत्यु

काठमाडौं / नेपालमा पछिल्लो २४ घण्टामा २ हजार ५६८ जनामा कोरोनाभाइरस (कोभिड–१९) संक्रमण पुष्टि भएको छ । देशभर गरिएको ८ हजार ४०२ पीसीआर र ४ हजार २३४ जनाको एन्टीजेन परीक्षणमा उनीहरुमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै देशभर हालसम्म कुल संक्रमितको संख्या ६ लाख ९७ हजार ३७० पुगेको छ । तीमध्ये हालसम्म ६ लाख ५६ हजार १९७ जना संक्रमणमुक्त भइसकेको छन् । पछिल्लो २४ घण्टामा मात्रै २ हजार २० जना कोरोनासंक्रमणमुक्त भएको मन्त्रालयले जनाएको छ ।
मन्त्रालयका अनुसार, उक्त अवधिमा १८ जना संक्रमितको मृत्यु भएसँगै हालसम्म संक्रमणका कारण ९ हजार ८७५ जनाको मृत्यु भएको छ ।