मकवानपुरमा थप १०४ मा कोरोना संक्रमण पुष्टि

मकवानपुर / मकवानपुरमा आज १०४ जनामा कोरोनाभाइरस (कोभिड–१९) संक्रमण पुष्टि भएको छ । आज १७४ जनाको आरटी–पीसीआर परीक्षण गर्दा उनीहरुमा कोरोना पुष्टि भएको आयुर्वेद तथा जनस्वास्थ्य प्रवद्र्धन शाखा हेटौँडाले जनाएको छ ।
संक्रमण पुष्टि हुनेमा जिल्लामा भित्रका ९१ जना र जिल्ला बाहिरका १३ जना रहेका छन् । आज संक्रमण पुष्टि हुनेमा सबैभन्दा धेरै हेटौँडा उपमहानगरपालिकाका रहेका छन् ।
हेटौँडामा आज मात्रै ८६ जनामा संक्रमण पुष्टि भएको छ । जसमा हेटौँडा–१ का ४ जना, हेटौँडा–२ का १ जना, हेटौँडा–३ का ८ जना, हेटौँडा–४ का ७ जना, हेटौँडा–५ का १६ जना, हेटौँडा–६, ७ र ८ का ३/३ जना, हेटौँडा–९ का ९ जना, हेटौँडा–१० का ५ जना, हेटौँडा–११ का ११ जना, हेटौँडा–१२ का ३ जना, हेटौँडा–१३ का २ जना, हेटौँडा–१५ का २ जना, हेटौँडा–१७ का ४ जना, हेटौँडा–१८ का १ जना र हेटौँडा–१९ का ४ जना रहेका छन् ।
यसैगरी संक्रमण पुष्टि हुनेहरुमा मकवानपुरगढी र बकैया गाउँपालिकाका एक/एक जना, भीमफेदी गाउँपालिकाका ३ जना र बाहिरी जिल्लाका १३ जना रहेको हेटौँडा उपमहानगरपालिकाका जनस्वास्थ्य निरीक्षक भोला चौलागाईले जानकारी दिए । उनका अनुसार, आजको संक्रमणदर ५९ दशमव ७७ रहेको छ ।
जनस्वास्थ्य निरीक्षक चौलागाईका अनुसार, हेटौँडा उपमहानगरपालिका बाहेकले परीक्षण गरेको एन्टीजेन परीक्षण भने समावेश गरिएको छैन ।