नेपालमा थपिए ३६५१ संक्रमित, कोरोनाबाट २२ जनाको मृत्यु

काठमाडौं / नेपालमा पछिल्लो २४ घण्टामा ३६५१ जनामा कोरोनाभाइरसको संक्रमण पुष्टि भएको छ । पीसीआर विधिबाट २६०९ र एन्टिजेन विधिबाट १०४२ जनामा संक्रमण पुष्टि भएको सोमबार स्वास्थ्य मन्त्रालयले जनाएको छ ।
यससँगै कुल संक्रमितको संख्या पीसीआरबाट ७ लाख १७ हजार ४८६ र एन्टिजेनबाट ६९ हजार ५२० जना पुगेको मन्त्रालयको तथ्यांक छ । यस्तै, आज थप १७८४ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ६ लाख २१ हजार ८३ जना पुगेको छ ।
त्यस्तै आजै संक्रमणबाट थप २२ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या १० हजार ११५ पुगेको छ ।