कालिका नगरपालिकामा आदर्श नारीको सम्पर्क समिति विस्तार

चितवन / महिलामाथि हुने हिंसाविरुद्धको अभियानलाई सशक्त बनाउन आदर्श नारी विकास केन्द्र नेपालले पालिका स्तरीय सम्पर्क समिति तथा शाखा विस्तार कार्य शुरु गरेको छ । न्यायमुलक र हिंसारहित समाजको अभियानलाई गाउँ र वडास्तरमा फैलाउँदै कालिका नगरपालिकामा सम्पर्क समिति गठन गरिएको हो ।
अर्पणा दुवाडीको संयोजकत्वमा ९ सदस्यीय कालिका नगरस्तरीय समिती गठन गरिएको हो । नवगठित समितिको सहसंयोजकमा मेनका थापा, उपाध्यक्ष सीता हुमागाई, सचिव सुमित्रा थापा, कोषाध्यक्ष कोपिला दाहाल, रहनुभएको छ । यसैगरी सदस्यहरुमा सपना गिरी, पद्मा राना, गीता रेग्मी पण्डित र रितु वाग्ले रहेका छन् ।
समितिको पहिलो बैठकबाट चेपाङ र दलित समुदायबाट १–१ जना मनोनित गरिने संयोजक दुवाडीले जानकारी दिए ।
कार्यक्रममा बोल्दै नवनिर्वाचित संयोजक दुवाडीले महिलामाथिको हिंसा विरुद्ध लाग्न आफूहरुलाई साहश थपिएको बताए । उनले संस्थाको उद्देश्य अनुरुप कार्य गर्न आफूहरु लागि पर्ने प्रतिवद्धता व्यक्त गरिन् ।
कार्यक्रममा नेपाली काग्रेस नगरसभापति राजु श्रेष्ठ, सामाजिक अभियन्ता हरि प्रसाद भण्डारी, आदर्श नारीका अध्यक्ष मीना खरेलले मन्तव्य दिएका थिए । कार्यक्रम सञ्चालन संस्थाका सचिव पृथ्वी सुवेदीले गर्नुभएको थियो ।
आर्दश नारी विकास केन्द्र विगत ३० बर्षदेखि चितवनमा महिलामाथि हुने हिंसाको अन्त्यका लागि खवरदारी गर्दै विभिन्न अभियानहरु सञ्चालन गर्दै आइरहेको छ ।