पछिल्लो २४ घण्टामा थप २०६५ संक्रमित, २५ जनाको मृत्यु

काठमाडौं / पछिल्लो २४ घण्टामा नेपालमा २०६५ जनामा कोरोना भाइरस संक्रमण पुष्टि भएको छ । पीसीआर विधिबाट १५७७ र एन्टिजेन विधिबाट ४८८ जनामा संक्रमण पुष्टि भएको हो ।
शुक्रबारको प्रेस ब्रिफिङमा स्वास्थ्य मन्त्रालयले सो जानकारी दिएको हो । यससँगै नेपालमा कुल संक्रमितको संख्या पीसीआरबाट ७ लाख ५६ हजार ४९२ र एन्टिजेनबाट ८२ हजार ४५६ जना पुगेको छ ।
यस्तै, आज थप २३३७ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ७ लाख ८ हजार २३० जना पुगेको छ । निको हुनेको दर ९३.६ प्रतिशत छ ।
कोरोना संक्रमणबाट थप २५ जनाको मृत्यु भएको छ । नेपालमा कोरोनाबाट ज्यान गुमाउनको कुल संख्या १० हजार ६६३ पुगेको छ ।