चितवन थप ६१ संक्रमित, पाँच जनाको मृत्यु

चितवन / विगत २४ घण्टामा चितवनको ६१ जनामा कोरोना संक्रमण पुष्टि भएको छ । संक्रमित हुनेहरुमा भरतपुर महानगरपालिकामा ३५ जना, खैरहनी नगरपालिकामा दुई जना, रत्ननगर नगरपालिकामा १२ जना, कालिकामा एक जना र इच्छाकामनामा एक जना रहेको स्वास्थ्य कार्यालय चितवनको तथ्यांकमा उल्लेख छ ।
योसँगै चितवनमा सक्रिय संक्रमितको संख्या एक हजार २९१ जना रहेको छ । जसमध्ये घरमा आइसोलेसनमा एक हजार २१९ जना र अस्पतालको आइसोलेसनमा ७२ जना रहेका छन् ।
यस्तै कोरोना संक्रमणबाट पाँच जनाको मृत्यु भएको स्वास्थ्य कार्यालयले जनाएको छ । स्वास्थ्य कार्यालयको तथ्यांक अनुसार भरतपुर अस्पतालमा तीन जना र चितवन मेडिकल कलेजमा दुई जनाको मृत्यु भएको हो । मृतकमध्ये चार जना चितवनका र एक जना गोरखाका हुन् ।
चितवनका विभिन्न अस्पतालमा कोरोनाका १०७ जना बिरामीले उपचार गराइरहेका छन् । जसमध्ये आईसीयूमा ३८ जना, भेन्टिलेटरमा १० जना, एचडीयूमा २८ जना र जेनरल बेडमा ४१ जना रहेका छन् । त्यस्तै विगत २४ घण्टामा चितवनका विभिन्न अस्पतालबाट ९ जना डिस्चार्ज भएका छन् ।