नेपालमा ३०३० संक्रमणमुक्त, थप २०५२ मा कोरोना संक्रमण

काठमाडौं / पछिल्लो २४ घण्टामा कोरोना भाइरस संक्रमणमुक्त हुनेको संख्या तीन हजार ३० रहेको स्वास्थ्य तथा जनसंख्या मन्त्रालयले जनाएको छ । प्रेस ब्रिफिङ मार्फत बुधबार सो संख्यामा संक्रमणमुक्त भएको मन्त्रालयले जनाएको हो ।
मन्त्रालयका अनुसार आजै थप दुई हजार ५२ जनामा कोरोना भाइरस संक्रमण पुष्टि भएको हो । देशभरका १० हजार ६१२ पीसीआर परीक्षणमा एक हजार ६४८ र चार हजार ३२३ एन्टिजेन परीक्षणमा ४०४ जना गरी दुई हजार ५२ जनामा संक्रमण पुष्टि भएको हो ।
पछिल्लो २४ घण्टामा काठमाडौं उपत्यकामा मात्र ७१९ जनामा संक्रमण पुष्टि भएको छ भने जसमध्ये काठमाडौंमा ४७१, भक्तपुरमा १४६ र ललितपुरमा १०२ जना संक्रमित भेटिएका हुन् ।
त्यस्तै कोरोना संक्रमणबाट २० जनाको मृत्यु भएको मन्त्रालयले जनाएको छ ।