गैंडाको आक्रमणबाट एक महिलाको मृत्यु

चितवन / पश्चिम चितवनको जगतपुरमा गैंडाको आक्रमणबाट एक जना महिलाको मृत्यु भएको छ । मृत्यु हुनेमा भरतपुर महानगरपालिका वडा नम्बर २३ कि ३८ वर्षिया सम्झना दराई रहेको इलाका प्रहरी कार्यालय गीतानगरले जनाएको छ ।
प्रहरीका अनुसार स्थानीय हरियाली सामुदायिक वनमा घाँस काट्न गएकी दराईलाई बुधबार दिउँसो २ः३० बजे गैंडाले आक्रमण गरेको थियो । गैंडाको आक्रमणबाट गम्भिर घाईते दराईको उपचारका क्रममा चितवन मेडिकल कलेजमा मृत्यु भएको प्रहरीले जनाएको छ । घाइते महिलाको दिउँसो ३ः२५ बजे मृत्यु भएको जनाइएको छ ।