२४ घण्टामा ११४६ थप संक्रमित, १६६० जना निको

काठमाडौँ / नेपालमा पछिल्लो २४ घण्टामा ११४६ जनामा कोरोना संक्रमण पुष्टि भएको छ । शुक्रबारको प्रेस ब्रिफिङ मार्फत ११४६ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
देशभरको प्रयोगशालामा गरिएको ८५४९ जनाको पिसिआर परिक्षणमा ९६१ जना र २३६७ जनाको एन्टीजेन परिक्षण गर्दा १८५ जना गरी ११४६ जनामा कोरोना भाइरस संक्रमण पुष्टि भएको हो ।
स्वास्थ्य मन्त्रालयका अनुसार पछिल्लो २४ घण्टामा १६६० जनाले कोरोना जितेको छ । योसंगै नेपालमा कोरोना जित्नेको संख्या ७ लाख ३६ हजार ६६६ जना पुगेको छ । नेपालमा कोरोना निको हुने दर ९५ प्रतिशत रहेको मन्त्रालयले जनाएको छ ।
त्यस्तै कोरोना संक्रमणवाट पछिल्लो २४ घण्टामा २१ जनाको मृत्यु भएको छ । यससंगै हालसम्म कोरोना संक्रमणवाट १०९२४ जनाको मृत्यु भइसकेको छ । नेपालमा कोरोना संक्रमणबाट मृत्यु हुने दर १.५ प्रतिशत रहेको मन्त्रालयले जनाएको छ ।
यस्तै काठमाडौं उपत्यकामा आजै ३५४ जनामा कोरोना संक्रमण पुष्टि भएको छ । जसमध्ये काठमाडौं जिल्लामा २५७ जना, ललितपुर जिल्लामा ५६ जना र भक्तपुर जिल्लामा ४१ जनामा कोरोना संक्रमण देखिएको स्वास्थ्य मन्त्रालयले जनाएको छ ।